Qərbin “Atatürk və Ərdoğan düşmənçiliyi”
Qərbin Türkiyəyə qarşı çirkin siyasəti davam edir. Bu dəfə Norveçdə
keçirilən NATO-nun hərbi təlimi zamanı şərti düşmən hədəfi kimi seçilən lövhədə
Türkiyə Cümhuriyyətinin qurucusu Mustafa Kamal Atatürk və prezident Rəcəb
Tayyib Ərdoğanın adı yer alıb. Bu da rəsmi Ankara ilə Qərbi üz-üzə qoyub.
Ümumiyyətlə, hər dəfə Türkiyə ilə Rusiya arasında yüksək səviyyədə görüşlərdən
sonra Ankara ilə Qərb arasında bir gərginlik yaşanır. Bu dəfə iş o yerə çatıb
ki, alyansın baş katibi Yens Stoltenberq bir neçə dəfə Türkiyə hökumətindən üzr
istəməli olub.
Norveç və NATO-nun üzr istəməsinə baxmayaraq, olayla bağlı Ankara
Cümhuriyyət Prokurorluğunda cinayət işi başladılıb, Türkiyənin NATO
təlimlərində iştirak edən hərbçiləri geri çağırılıb.
Xüsusilə, təxribatın Ərdoğanın Rusiya səfərindən sonraya və yenidən
bu ölkəyə gedərək üçlü formatda (Ərdoğan-Putin-Ruhani) görüşə qatılacağı haqda
dediklərindən sonraya təsadüf etməsi NATO-nun timsalında xristian dünyasının
Türkiyəyə qarşı nə qədər xain mövqedə olduğunu çılpaqlığı ilə ifşa edib.
Türkiyə prezidenti Rəcəb Tayyib Ərdoğan baş verənlərə sərt reaksiya
verib. O, bəyan edib ki, "Norveçdəki NATO təlimində nümayiş etdirilən
tərbiyəsizliyi siz də gördünüz. Bəzi səhvlər var ki, onları axmaqlar deyil,
alçaqlar edir. Bu da məhz belə bir hadisədir. Türkiyə gücləndikcə ölkəmizə və
bizə qarşı hücumların intensivliyi də artır. Məni və respublikamızın qurucusu
Qazi Mustafa Kamal Atatürkü hədəfə alan bu tərbiyəsizliyi NATO içində neçə
vaxtdırgizlənən, əslində isə anladığımız yanlış dünyagörüşünün təzahürü
kimi başa düşürəm. NATO bütün üzv ölkələr yanında sual altına düşdü”. Türkiyənin
Avropa İttifaqı üzrə naziriÖmər Çelikdeyib ki, insidentə səbəb olan
"NATO məmuru” işdən çıxarılıb. "İnsidentin bununla bitməsini istəmirik. Həmin
adamın cəzalandırılmasını tələb edirik. Müttəfiq ölkələrin təhlükəsizliyini
qorumalı olan NATO-nun öz qərargahının təhlükəsizliyinin qorunmadığı kimi bir
halla üz-üzəyik”, - deyə nazir əlavə edib. O deyib ki, insident sonadək
araşdırılmasa, bu, NATO-Türkiyə əlaqələrinə kölgə salacaq: "NATO ilə
əlaqələrimizə kölgə düşdü. Onlar prezident Ərdoğandan üzr istədilər. Əgər
lazımı addımlar atılsa, yəni həmin şəxs cəzalandırılsa, NATO-nun üzrünü qəbul
edəcəyik”.
Maraqlıdır ki, Qərb Türkiyəyə yardımları da azaldıb. Nazir Ömər
Çelik bildirib ki, Avropa
İttifaqınınTürkiyəyə yardımlarında 105 milyon avroluq kəsilmə olacaq: "105
milyon avro kəsmək Türkiyə üçün maliyyə mənasında bir şey demək deyil. Türkiyə
2014-2020-ci illər arasında 4,5 milyard avroluq bir fonddan istifadə edəcək.
Bir tərəfdən bu vəsaitlərin Türkiyənin Aİ-yə yaxınlaşması üçün verilməsi
nəzərdə tutulur, digər tərəfdən isə bu fond kəsilərək ciddi bir dünyagörüşünün
olmadığı nümayiş etdirilir”
Yeri
gəlmişkən, Kanadanın Halifaks şəhərində keçirilən "9-cu
HalifaksBeynəlxalq Təhlükəsizlik Forumu”nda da bu məsələ diqqət
mərkəzində olub. Beynəlxalq miqyasda təhlükəsizlik sahəsində önəmli tədbir kimi
qəbul edilən forumda NATO-nun təlimindəki "Atatürk və Ərdoğan düşmənçiliyi”
qalmaqalı və sonrakı proses də gündəmə gətirilib. Tədbirin iştirakçıları
arasındakı NATO baş katibi Yens Stoltenberg orgeneral Hülusi Akar ilə
proqramdan kənarda keçirdiyi görüşdə baş verən qalmaqala görə yenidən üzr
istəyib. NATO rəsmisi bildirib ki, Atatürk və Ərdoganın rəsmlərini atış üçün
hədəf kimi qoyulması alyansın əməkdaşlarının işi deyil, bunu müqavilə ilə işə
götürülmüş norveçli mülki şəxs edib.
Ö.Çelik deyib
ki, həmin adamın kimliyi dərindən araşdırılmalıdır: "FETÖ-nün metodlarına oxşar
bir metoddur bu. Araşdırılacaq, bütün əlaqələri ortaya çıxarılacaq. Biz
NATO-nun qurucu üzvüyük, orada önəmli bir qüvvəyik. İstəyirik ki, gərəkli olan
ölçü götürülsün”.
O da qeyd
edilir ki, Türkiyə ABŞ-ın F-35 təhdidinə qarşı cavab həmlələri planlaşdırır. Bu
barədə "Milliyət” qəzeti informasiya yayıb. Məlumata görə, rəsmi Ankara ABŞ-ın
həmləsinə cavab olaraq Malatya-Kürəcikdə qurulan NATO-nun AN-TPY-2 radarını
ləğv edə bilər. Belə ki, radarın ləğv ediləcəyi halda İsrailə İran
istiqamətindən endiriləcək hər hansı raket zərbəsi barədə "erkən xəbərdarlıq”
etmək mümkün olmayacaq.
Qeyd edək ki,
ABŞ Türkiyənin F-35 tipli beşinci nəsil bombardmançı təyyarələrini əldə etmə və
istifadə imkanlarına qarşı tədbirlər görülə biləcəyini açıqlamışdı. O da
bildirilir ki, təlim qalmaqalının arxasında 2018-ci ildə Türkiyəyə qarşı
keçiriləcək əməliyyat dayanıb. Türkiyənin "Yeni Şəfəq” qəzeti baş verənləri
müharibə ssenarisi adlandırıb. "Belə ki, Norveçdə keçirilən təlimlərin
ssenarisinə uyğun olaraq "Skolken ölkə” (şərti düşmən) S-400 almaq uğrunda
çalışır və silahı satan ölkə ilə yaxınlaşmağa davam edir. Təlimlər çərçivəsində
bu şərti düşmənlə müharibə vəziyyəti məşq edilir. Hədəf lövhəsində türk
liderlərinin rəsminin olması və digər oxşarlıqlar təlimin gələcəkdə Türkiyəyə
qarşı nəzərdə tutulmuş müharibəyə hədəfləndiyi qənaətinə gəlmək olar.
Qalmaqalda FETÖ-nun iznin olması da istisna edilmir.
Azər NURİYEV