Qazzayevdən Mutkoya: “Müvəqqəti yalnız hamilələr olur”
Rusiya Futbol İttifaqının prezidenti Vitali Mutko vəzifəsindən
müvəqqəti istefa verib. O, postundan 6 ay müddətinə uzaqlaşıb. Kaspi.az xəbər
verir ki, onun bu addımına Rusiyanın tanınmış mütəxəssisi Valeri Qazzayev
münasibət bildirib. Qazzayev Mutkonun qərarına ironiya ilə yanaşıb:
"Federasiya prezidentinin dəqiq mövqeyi olmalıdır. Ya adam baş
verənlərə görə bütün məsuliyyəti üzərinə götürməlidir, ya da öz mövqeyini
qorumalıdır.
"Vəzifəmi 6 aylıq dayandırıram” formulu nədir? Bu situasiyanı necə
başa düşək? Vəzifəni müvəqqəti dayandırmaq nə deməkdi? Müvəqqəti ancaq
hamilələr olur. İlk dəfədir ki, belə formula ilə üzləşirəm”.
Mutkonun istefasını FİFA tələb edirdi. O, Rusiyada idmançıların
dopinq qəbul etməsinə göstəriş verməkdə ittiham olunur.