“Qarabağ”ın rəqibini Rauf Əliyevlə “Keşlə”nin baş məşqçisi qarşıladı
Çempionlar
Liqasının 2-ci təsnifat mərhələsinin cavab oyunları çərçivəsində
"Qarabağ"la üz-üzə gələcək "Kukesi" (Albaniya) Bakıya gəlib.
Kaspi.az xəbər
verir ki, "Kukesi”ni bu komandanın keçmiş hücumçusu Rauf Əliyev və sabiq baş məşqçisi
Mladen Milinkoviç qarşılayıblar.
Hazırda "Qəbələ”də
forma geyinən Rauf Əliyevlə "Keşlə”nin "sükanı arxasında” olan Milinkoviç ötən
mövsümün qış fasiləsində "Kukesi"dən ayrılmışdılar.
Fotodakı digər
oyunçular isə adları "Keşlə" ilə hallanan Rustem Noxa və Valon
Etemidir. Onlar Milinkoviçlə transferləri ilə bağlı müzakirələr aparıblar.
"Qarabağ"
- "Kukesi" matçı avqustun 1-də saat 21:00-da start götürəcək.
Albaniyadakı ilk oyunda hesab açılmamışdı.