“Qalatasaray”dan “Şalke”yə ukraynalıya görə təklif
"Qalatasaray” "Şalke”nin futbolçusu Yevgeni Konoplyankanın xidmətində
maraqlıdır.
Kaspi.z xəbər verir ki, İstanbul nəhəngi ukraynalıya görə, "Şalke”yə
müraciət edib. "Qalatasaray” onu transfer etmək üçün 7 milyon avro ödəməyə
hazırdır.
Məlumata görə, almanlar 9 milyon avro tələb edirlər. Konoplyankanın
xidmətində "Latsio”, "Trabzonspor” və "İnter”in də maraqlı olduğu deyilir.
Konoplyanka ötən mövsüm Almaniya çempionatında icarə əsasında çıxış
edib. O, 17 oyunda 1 qol vurub, 1 qol ötürməsi edib. Mövsümün sonunda "Şalke”
onun transfer hüququnu "Sevilya”dan alıb.