Bakı 23°C
Qafqazşünaslıq İnstitutunda Xocalı soyqırımı anılacaq
Fevralın 22-də Azərbaycan Milli Elmlər Akademiyasının (AMEA) Qafqazşünaslıq İnstitutunda Xocalı soyqırımının 27-ci ildönümü ilə əlaqədar dəyirmi masa keçiriləcək.
İnstitutdanAZƏRTAC-a bildirilib ki, tədbirdə direktor, AMEA-nın müxbir üzvü, professor Musa Qasımlı çıxış edəcək. Dəyirmi masada institutun elmi işlər üzrə direktor müavini, dosent Ramilə Dadaşovanın, elmi katib Südabə Əsgərovanın, ermənişünaslıq şöbəsinin müdiri Qasım Hacıyevin, gürcüstanşünaslıq şöbəsinin müdiri Vahid Ömərovun, Qafqaz siyasəti şöbəsinin müdiri Elnur Kəlbizadənin məruzələri dinləniləcək.
