Ötən il Gürcüstanı və Ukraynanı təmtəraqla öz sıralarına daxil edən
Avropa, belə getsə, qəbul etdiyi qərarı bir daha saf-çürük etməli olacaq.
Məsələ ondadır ki, postsovet məkanından olan cinayətkar ünsürlər Avropa
ölkələrində ciddi problemlər yaratmaqda davam edirlər. Xüsusən də, gürcü
"qanuni oğrular”ın bu kimi əməllərindən narahat olan avropalı siyasilər,
Gürcüstanla viza rejiminə yenidən baxmağı təklif edirlər. Belə bir fikir var
ki, Avropa İttifaqı Gürcüstana qarşı viza rejimini aradan qaldırandan sonra
gürcülər sürətlə Qərbə doğru hərəkət götürüblər. Və bu hərəkət daha çox
kriminal xarakter daşıyır. Avropaya ayaq açan gürcülər vətənlərinə dönmək
istəmir, orada kriminal işlərlə məşğul olurlar. Bu yaxınlarda Gürcüstanın
DİN-nin kriminal polisinin rəisi Mamuka Çelidze də rəsmən bəyan edib ki, oğru
dünyasının nümayəndələri olan gürcülər daha çox Yunanıstana toplaşıblar. Məsələn,
bu yaxınlarda Afinada dörd Gürcüstan vətəndaşı mənzil soyğununda ittiham
olunaraq saxlanılıb. Onlar Yunanıstanda 200-ə yaxın mənzildə soyğunçuluq
törədiblər. Saxlanılan şəxslərin qaldıqları mənzillərə və avtomobillərinə baxış
zamanı müxtəlif tipli odlu silah, pul və oğurluq əşyalar müsadirə edilib.
MDB-dən olan, xüsusilə də, gürcü əsilli mafiya artıq Yunanıstandakı iqtisadi
sektorlara nəzarət edir. Media da buna diqqət ayırmağa başlayıb. "Lenta.ru”
yazır ki, aprel ayının ortalarından etibarən Avropanın güc strukturları
postsovet məkanından, xüsusən də Gürcüstandan olan "qanuni oğru”lara qarşı
irimiqyaslı əməliyyatlara start verib. Şərti adı "Qafqaz Normandiyası” olan
əməliyyatın ən diqqətçəkən və maraqlı hissəsi Fransanın şimal hissəsi və
Yunanıstanda yaşanıb. Əməliyyat gedişində polislər 19 ən məşhur kriminal
avtoritetləri, o cümlədən Laşa Şuşanişvilini ələ keçirib. Laşa Rustavski və
yaxud "Gombul” ləqəbli bu şəxs Rusiyanın kriminal dünyasında ən iri fiqur,
Yunanıstanda isə "nömrə bir” hesab edilir. "Qafqaz Normandiyası” Avropanın
kriminal dünyasında ayın əvvəlindən bəri yaşanan faciəvi hadisələrin məntiqi
davamı olub. Belə ki, aprelin 8-də Antalyada 59 yaşlı qanuni oğru Qayoz Zviadze
(Qiya Kutaiski) öldürülüb. Qatillər onun dostu Qiqu Petriaşviliyə aman verərək,
ayağından yaralayıblar. Qiya Kutaiskinin ölümü isə oğru dünyası üçün böyük itki
olub. "Köhnə məktəbə” daxil olan bu şəxs, oğru ənənələrinə əməl etməklə yanaşı,
hakimiyyət orqanları ilə şübhəli əlaqələrə malik olmayan biri kimi tanınıb. Qiya
Kutaiskinin dəfn mərasimi Yunanıstanda təşkil edilib. Qiya əslində Türkiyə və
Kiprdə yaşasa da, daha çox yunan sahillərində görünürdü. Dəfn mərasimində
əsəblər pik həddə olduğundan, münaqişədən də qaçmaq mümkün olmayıb. Mərasimə 37
yaşlı "qanuni oğru” Albert Maqomedin gəlməsi isə aranı qatıb. Onun, Qiyanın
qətlində əli olduğu güman edilən Nodar Rustavski ilə dost olduğu bildirilir.
Proseslər Yunanıstanda baş verdiyindən "Qafqaz Normandiyası” da məhz
Yunanıstanda həyata keçirilib. Polis bütün qanuni oğrular bura yığışan zaman,
həbsləri həyata keçirib. Dəfn mərasiminə Rusiya kriminal dünyasının ən tanınmış
üzvlərindən biri Laşa Rustavski də gəlib. Bir vaxtlar bu şəxs kriminal
dünyasının patriarxı Aslon Usoyanın (Ded Xasan) Tariel Oniani və Merab
Canqvelidze ilə apardığı münaqişədə müttəfiqi olub. Əməliyyat zamanı o da həbs
edilib. "Qafqaz Normandiyası” əməliyyatı aprelin 16-da eyni zamanda Fransa və
Yunanıstanda keçirilib. Əməliyyatçılar Laşanı Salonikada yaxalayıbalr. Onunla
birlikdə cinayətkar aləmin 18 nümayəndəsi, o cümlədən Merab Asanidze (Çikor) və
Nodar Şakakidze (Nodo Qldanski) həbs edilib. Qeyd etmək lazımdır ki,
əməliyyatın adı təsadüfi seçilməyib. Fransadakı gürcü cinayətkarların əsas
marağı oğurluq üzərində qurulub. Əsas etibarilə də mənzil oğruluğu. Belə ki varlı
avropalıların evləri arzulanan mənfəətdir. Eləcə də, cib oğruları və
avtomobillərin ələ keçirilməsi də bura daxildir. Fransanın mütəşəkkil
cinayətkarlıqla mübarizə üzrə mərkəzi idarəsinin (OCLDI) yaydığı məlumata görə,
2016-cı ildə Gürcüstandan olan cinayətkarlar tərəfindən təkcə Normandiyada 150
oğruluq faktı üzə çıxarılıb. Lakin Kalvados polis departamentindən olan
xəfiyyələr bu rəqəmlərin bir neçə dəfə çox olduğu, mini keçdiyi
qənaətindədirlər. Fransa güc strukturları Yunanıstanda həbs edilən oğrularla
bağlı order verib və yaxın günlərdə onlar Yunanıstandan Fransaya deportasiya
olunacaqlar. Fransa tərəfi Nodo Qldanskiyə qarşı ciddi ittihamlar irəli sürüb.
"Praym Kraym” nəşrinin baş redaktoru
Viktoriya Qefter hesab edir ki, "Qafqaz Normandiyası” miqyasına görə, Avropa
hüquq-mühafizə orqanlarının gündəlik həyata keçirdikləri əməliyyatların bir
hissəsidir.
Xatırladaq ki, Saakaşvili dövründə hakimiyyət "qanuni oğru”lara qarşı
irimiqyaslı əməliyyatlar keçirib. Nəticədə onların bir qismi həbs edildi, digər
bir qisim isə deportasiya olundu. Lakin ondan sonra hakimiyyətə gələn
İvanişvili dərhal 5 min məhbusu azad etdi. Ən maraqlısı odur ki, Gürcüstanda 6
"qanuni oğru” da amnistiyaya düşərək, azad edildi, 20 kriminal avtoritetin
cəzası isə yüngülləşdirildi. Cinayətkar qrupların üz tutduqları məkan isə Yunanıstan
olub. Yunanıstan Avropanın digər ölkələrinə çıxış kimi istifadə edilir.
Nəşrlər yazır ki, "qanuni oğru”ların, hakimiyyəti korrupsiyaya sövq etmək üçün
kifayət qədər maddi vəsaiti var və bu, onlara iqtisadiyyata təsir imkanları
verir. Mənbə bildirib ki, hazırda Yunanıstan 100-ə yaxın "qnuni oğru”nun təsiri
altındadır. Hazırda Yunanıstanda 400 minə yaxın Gürcüstan əsilli vətəndaşın
yaşadığı deyilir ki, onların da böyük əksəriyyəti ötən əsrin
əvvəllərindəOsmanlı İmperiyasındanəvvəlcə Gürcüstana, oradan isə
Yunanıstana köçənlərdir.Onlar müxtəlif dövrlərdə, əsasən də, son bir ildə
viza rejimi aradan qaldırılandan sonra Yunanıstana ayaq basıblar.
Bakı 23°C
