AZE | RUS | ENG |


Qafqaz İslam Ordusunun gündəlik fəaliyyət raportları tapılıb

Qafqaz İslam Ordusunun gündəlik fəaliyyət raportları tapılıb
Azərbaycan Xalq Cümhuriyyətinin Tiflisdən Gəncəyə köçməsində və 15 sentyabr 1918-ci ildə Bakının erməni-daşnak ünsürlərindən təmizlənməsində həlledici rolu olmuş Qafqaz İslam Ordusunun gündəlik  fəaliyyət raportları tapılıb.
 
Bu barədə APA-ya Qafqaz İslam Ordusunun komandanı Nuri Paşanın həyat və fəaliyyəti haqqında 928 səhifəlik "Nuri Killigil” kitabının müəllifi Atilla Oral məlumat verib. O, raportları köhnə kitablar, fotolar, sənədlər satan bir bukinist mağazası sahibində gördüyünü söyləyib: "Azərbaycan dövlətinin Tiflisdən Gəncəyə köçməsi və daha sonra Bakının azad edilməsi üçün həyata keçirilən gündəlik icraatların hamısı barədə Osmanlı ordularının Batumdakı komandanı, general-polkovnik Əbdülvahab paşaya raportlar göndərilib. Raportlarda bütün təfərrüatlar öz əksini tapıb. Bilirsiniz ki, mən kitablarımı özüm çap edib özüm satır, əldə etdiyim pulu yeni sənədlər almağa xərcləyirəm. Qafqaz İslam Ordusunun gündəlik fəaliyyət raportları üçün çox pul istəyirlər, hal-hazırda maddi imkanım onu almağa imkan vermir. Ancaq əmin olun ki, yaxın günlərdə pul tapıb o dəftərləri alacaq və APA vasitəsilə Azərbaycan oxucularına təqdim edəcəyəm”.

Qeyd edək ki, Türkiyədə silah sənayesinin qurucularından olan Nuri Paşanın həyat və fəaliyyətini 17 il araşdıran tədqiqatçı Atilla Oral 2016-cı ilin iyununda 928 səhifəlik "Nuri Killigil” kitabını çap etdirib. Kitab Türkiyədə  və Azərbaycanda  böyük marağa səbəb olub.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0047
GEL 1 Gürcü larisi 0.7072
GBP 1 İngilis funt sterlinqi 2.2065
TRY 1 Türk lirəsi 0.4824
KWD 1 Küveyt dinarı 5.6202
SEK 1 İsveç kronu 0.2069
EUR 1 Avro 1.9783
CHF 1 İsveçrə frankı 1.7884
USD 1 ABŞ dolları 1.7012