Qadınların necə ağladığını gördüm - Qvardiola
"Mançester Siti”nin baş məşqçisi Xosep Qvardiola Pablo Sabaletanın
komandanı tərk edəcəyinə münasibət bildirib.
Kaspi.az xəbər verir ki, Sabaleta mövsümün sonunda "Siti”ni azad
agent kimi tərk edəcək. Onun karyerasını "Vest Hem”də davam etdirəcəyi
bildirilir. Qvardiola qadınların Sabaletanın gedişinə ağladıqlarını vurğulayıb:
"Bu, Pablo və ailəsi üçün fantastik gecə idi. Mən onun bu klub üçün
necə dəyərli olduğunu hiss etdim. Televizorda qadınların necə ağladığını
gördüm.
O, Yaya Ture, Co Hart, Vensen Kompani, Serxio Aquero kimi, klubun
əfsanəsi hesab edilir. O, bura gəldi və klubu xüsusi etdi. Pablo klubla haqq
etdiyi şəkildə vidalaşdı”.
Sabaleta "Siti”yə 2008-ci ildə "Espanyol”dan transfer olunub. O, bu mövsüm
Premyer Liqada 20 oyun keçirib, 1 qol vurub, 1 qol ötürməsi edib.