“Qadın əlyazması festivalı”
İsveçin
Türkiyədəki diplomatik nümayəndəliyi, Mimar Sinan İncəsənət Universiteti qadın
əl işləri araşdırmaları və tətbiqi mərkəzi, Qadın Əsərləri kitabxanası və
məlumat vəqfinin təşkilatçılığı və maliyyə dəstəyi ilə cari ilin mart ayının
9-18-ində Türkiyədə ilk dəfə "Qadın əlyazması festivalı” keçirilir. Bunun üçün
İstanbulun dörd ayrı konfrans mərkəzində yer ayrılıb. Festivalın doqquz günlük
proqramında 10 panel, 6 müəlliflə görüşü,
3 dəyirmi masa, 3 forum, 4 yazı atelyesi, 2 teatr tamaşası və 1 sərgi yer alıb.
Festivala Türkiyə və İsveçdən 100-ə yaxın rəsmi dəvətli qatılıb. Yazı
atelyelərində cəmi 20 nəfər iştirak edə bilər. Buna görə də, təşkilati heyət
əvvəlcədən qeydiyyat şöbəsi yaradıb. Əlavə məlumat üçün festivalın rəsmi
səhifəsinə müraciət edə bilərsiniz – "www.kadinyazisi.com”.