Putinin sözçüsü onların sərt cəzalanmasını istəyir
Rusiya
prezidenti Vladimir Putinin mətbuat xidmətinin rəhbəri Dmitri Peskov xuliqanlıq
etdikləri üçün həbs edilən futbolçular – Aleksandr Kokorinlə Pavel Mamayev barədə
danışıb.
Kaspi.az xəbər
verir ki, Peskov futbolçuların bağışlanmasının tərəfdarı olmadığını deyib. O,
etdikləri hərəkətə görə, futbolçuların sərt cəzalanmalı olduğunu vurğulayıb:
"Siz deyirsiniz
ki, onların qayıdıb futbol oynaması daha yaxşı olardı? Mən isə deyirəm ki,
onlar ən sərt şəkildə cəzalanmalıdırlar. Yəqin ki, onların döydükləri şəxslər də
belə düşünürlər.
Onların
istedadlı futbolçu olub-olmamağı heç bir əhəmiyyət kəsb etmir. Burda söhbət cinayət hadisəsindən gedir. Məhkəmə
hər şeyi araşdırıb, ədalətli qərar verəcək”.
Qeyd edək ki,
"Zenit”in futbolçusu Aleksandr Kokorinlə "Krasnodar”ın yarımmüdafiəçisi Pavel
Mamayev bir neçə şəxsə qarşı xuliqanlıq hərəkətləri etdikləri üçün həbs
olunublar. Hazırda hadisə ilə bağlı araşdırma aparılır.