PSJ Neymarı kimə gəldi təklif edir, amma...
PSJ Neymarı buraxmağa hazırdır.
Kaspi.az xəbər verir ki, amma Paris klubu braziliyalı futbolçunun
"Barselona”ya getməsini istəmir. "Barsa” rəhbərliyi ilə münasibətləri gərgin
olan PSJ rəsmiləri bu keçidin əleyhinədirlər.
Ona görə də, PSJ Neymarı 3 kluba icarəyə vermək istəyir. Bu klublar
"Real”, "Yuventus” və "Mançester Yunayted”dir.
Məlumata görə, PSJ ilk təklifi "Real”a göndərib. Peres bu təkliflə
razılaşsa da, Zidan braziliyalının komandada olmasını istəmir. O, Pol Poqbanın
alınmasının tərəfdarıdır.
Daha sonra PSJ "Mançester Yunayted”ə müraciət edib. MY bu təklifi
qəbul etsəydi, icarəyə görə 20 milyon avro ödəməli idi. Ancaq MY də təklifdən
imtina edib.
Elə "Yuventus” da Neymarın yüksək məvacibini əsas gətirərək, PSJ-nin
təklifini qəbul etməyib.