• cümə, 29 Mart, 11:55
  • Baku Bakı 5°C

Prezidentliyə namizədin təşviqat şəklini cıran şəxs tutuldu

28.09.13 10:47 1332
Prezidentliyə namizədin təşviqat şəklini cıran şəxs tutuldu
Nərimanov Rayon Məhkəməsindən APA-ya verilən məlumata görə, Bakı şəhər sakini, 30 yaşlı Şahin Şamil oğlu Rzayev dünən paytaxtın Ağa Nemətulla küçəsi ilə Təbriz küçəsinin kəsişməsində yerləşən tablodan prezidentliyə namizəd Cəmil Həsənlinin şəklini cırarkən Nərimanov Rayon Polis İdarəsi əməkdaşları tərəfindən saxlanılıb.
Onun barəsində protokol tərtib edilərək materiallar baxılması üçün məhkəməyə göndərilib. Məhkəmənin qərarı ilə Ş. Rzayev 25 sutka inzibati həbsə məhkum edilib.
Qeyd edək ki, bir neçə gün əvvəl AXCP sədri Əli Kərimlinin oğlu Türkel Kərimli də prezidentliyə namizədlərin şəkillərini cırdığı üçün 25 sutka inzibati həbsə məhkum edilib.
banner

Oxşar Xəbərlər