• cümə, 29 Mart, 03:34
  • Baku Bakı 7°C

Prezident sarayı və hökumət binası müxalifətin nəzarətindədir

04.12.13 08:04 1079
Prezident sarayı və hökumət binası müxalifətin nəzarətindədir
APA-nın “İnterfaks-Ukraina” agentliyinə istinadən verdiyi məlumata görə, təxminən 200 mitinqçi Qruşevski küçəsində yerləşən hökumət binasının girişini nəzarətə götürüb. Onlar baş nazir Nikolay Azarovun istefasını tələb edirlər. Binanın digər girişini isə hüquq-mühafizə orqanlarının əməkdaşları nəzarətə götürüb. Bu gün Nazirlər Kabinetinin iclasının keçirilməsi nəzərdə tutulub.
Fəallar Bankovaya küçəsində yerləşən prezident administrasiyasının girişlərini də nəzarətdə saxlamağa davam edir.
Müstəqillik meydanında isə falların xalq özünümüdafiə dəstələrinə yazılması davam edir. Artıq 2 min 800 nəfər bu dəstələrə üzv yazılıb. Onlar yüz-yüz ayrılaraq “Berkut” xüsusi təyinatlılarının mümkün hücumuna qarşı hazırlıq keçirlər. Etirazçıların böyük hissəsi yaxınlıqdakı Kiyev meriyasının, Həmkarlar Evinin, Oktyabr Sarayının binalarında, eləcə də meydandakı çadırlarda qalmağa davam edir.
banner

Oxşar Xəbərlər