Prezident meydana tapança ilə girdi, oyun dayandırıldı
Yunanıstan
çempionatında qalmaqallar səngimək bilmir.
Kaspi.az xəbər verir
ki, çempionatın 25-ci turunda keçirilən PAOK - AEK oyununda da ixtişaş baş
verib. Hakim PAOK-un 90-cı dəqiqədə vurduğu qolu qeydə almayıb.
Bundan qəzəblənən
klub prezidenti İvan Savvidi meydana daxil olub. Onun üzərində tapança da olub.
Daha sonra isə azarkeşlər meydana axışıb. Qarşılaşmanın baş hakimi oyunu
yarımçıq dayandırmaq məcburiyyətində qalıb.