• cümə, 29 Mart, 13:02
  • Baku Bakı 14°C

Prezident İlham Əliyev Niderlandın Azərbaycanda yeni təyin olunmuş səfirinin etimadnaməsini qəbul edib - Yenilənib - Fotolar

14.09.16 11:01 1087
Prezident İlham Əliyev Niderlandın Azərbaycanda yeni təyin olunmuş səfirinin etimadnaməsini qəbul edib - Yenilənib - Fotolar
Azərbaycan Prezidenti İlham Əliyev bu gün Niderland Krallığının ölkəmizdə yeni təyin olunmuş səfiri Onno Kerversin etimadnaməsini qəbul edib.

APA-nın məlumatına görə, səfir etimadnaməsini prezidentİlham Əliyevə təqdim edib.

Sonra səfirlə söhbət edən prezident Azərbaycanla Niderland arasında əlaqələrin yaxşı səviyyədə olduğunu, ölkəmizin bu əlaqələri daha da genişləndirmək niyyətində olduğunu deyib.

Dövlət başçısı Niderlandın bir sıra şirkətlərinin Azərbaycanda uğurla fəaliyyət göstərdiyini, mühüm layihələr həyata keçirdiyini qeyd edib.

Niderland Krallığının Avropa İttifaqının vacib üzvü kimi Avropa məsələlərində mühüm rol oynadığını deyən prezident həm ikitərəfli, həm də Azərbaycan-Avropa İttifaqıəlaqələrinin inkişafı üçün çox müsbət perspektivlərin mövcud olduğunu bildirib, bu əlaqələrin gələcəkdə uğurla inkişaf edəcəyinə əminliyini vurğulayıb.

Dövlət başçısı səfir Onno Kerversin bu əlaqələrin inkişafına öz töhfəsini verəcəyinə, iki ölkə arasında əməkdaşlığın uğurlu inkişafının gələcəkdə də davam edəcəyinə ümidvar olduğunu bildirib.

Öz növbəsoində, səfir Onno Kervers ölkələrimiz arasında nisbətən qısa müddət ərzində qurulan əlaqələrin dinamik inkişaf etdiyini deyib. Niderland şirkətlərinin Azərbaycanda müxtəlif sahələrdə fəal işlər gördüyünü bildirən Onno Kervers enerji, informasiya-kommunikasiya texnologiyaları, o cümlədən kənd təsərrüfatı sahələrində əlaqələrin genişləndirilməsi üçün yaxşı imkanların mövcud olduğunu vurğulayıb.



banner

Oxşar Xəbərlər