• çərşənbə axşamı, 19 mart, 08:45
  • Baku Bakı 8°C

Prezident İlham Əliyev: Biz neft gəlirlərini çox şəffaf şəkildə qoruyuruq

14.09.17 19:36 1371
Prezident İlham Əliyev: Biz neft gəlirlərini çox şəffaf şəkildə qoruyuruq
Biz bu illərdə Dövlət Neft Fondundan məcburi köçkünlərin yaşayış səviyyəsinin yaxşılaşdırılması üçün böyük vəsait ayırdıq və 250 min köçkünü 100-ə yaxın yeni salınan qəsəbədə gözəl evlərlə, mənzillərlə təmin etdik. Bu proses davam edir. Eyni zamanda, biz neftdən əldə edilən gəlirləri Dövlət Neft Fondunda çox şəffaf şəkildə qoruyuruq.
AZƏRTACxəbər verir ki, Prezident İlham Əliyev bu fikri Xəzər dənizinin Azərbaycan sektorunda "Azəri”, "Çıraq” yataqlarının və "Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında düzəliş edilmiş və yenidən tərtib olunmuş Sazişin imzalanması mərasimində səsləndirib.
Dövlət Neft Fondunun fəaliyyətinın çox şəffaf olduğunu vurğulayan Prezident deyib ki, Fondun fəaliyyəti, gəlirləri, xərcləri haqqında məlumat müntəzəm olaraq ictimaiyyətə çatdırılır. "Dövlət Neft Fondunun xərcləri ancaq parlamentin təsdiqi ilə mümkündür. Büdcəmiz təsdiq ediləndə o vaxt hökumətin təklifi ilə Milli Məclis transfertin həcmini müəyyən edir. Yəni, maksimum şəffaflıq bizə imkan verdi ki, bu imkanlardan səmərəli istifadə edək. Bu gün Azərbaycan o ölkələrdəndir ki, şəffaflığa görə çox yüksək beynəlxalq qiymətə layiqdir”, - deyə Prezident İlham Əliyev bildirib.
banner

Oxşar Xəbərlər