Premyer Liqanın tarixinə düşdü - Başı ilə
"Stok Siti”nin hücumçusu Piter Krauç Premyer Liqanın tarixinə düşüb.
Kaspi.az xəbər verir ki, Krauç 38-ci turda "Sautqempton”la oyunda
fərqlənib və komandası 1:0 hesabı ilə qalib gəlib. Hücumçu qolu başı ilə vurub.
Bu, Krauçun Premyer Liqada başla vurduğu 50-ci qol olub. O, liqanın
tarixində başla 50 qol vuran ilk futbolçu kimi tarixə düşüb. Krauç uğuruna belə
münasibət bildirib:
"Karyeranın uğurlu alınması üçün bir çox futbolçulara sürət lazımdı. Ancaq
mən heç vaxt sürətimlə diqqəti çəkməmişəm. Bu, mənə xas keyfiyyət olmayıb.
Ancaq mənim başqa bir üstünlüyüm var. Bu üstünlüyün yaxın zamanlarda itəcəyini
isə düşünmürəm”.
Krauç cari mövsümdə 27 oyun keçirib, 7 qol vurub, 2 qol ötürməsi
edib.