Premyer Liqa təcrid olunmuş düşərgədə keçiriləcək?
İngiltərə
Premyer Liqasının rəhbərliyi çempionatın davam etdirilməsi üçün bir sıra
variantları müzakirə edir.
Kaspi.az
xəbər verir ki, belə variantlardan biri də çempionatın təcrid olunmuş düşərgələrdə
keçirilməsidir. Belə düşərgənin Londonda və ölkənin mərkəzi hissəsində
yaradılması planlaşdırılır.
Futbolçular
və texniki heyət karantin şəraitində yaşayacaqlar. Qarşılaşmaların keçirilməsi
üçün stadionlardan yox, klubların bazasından yararlanmaq nəzərdə tutulur.
Oyunlar televiziyada yayımlanacaq.
Bundan əlavə,
qarşılaşmaların stadionlarda azarkeşlərsiz keçirilməsi də müzakirə olunur. Amma
məlumata görə, əksər klublar təcrid olunmuş düşərgələrin tərəfdarıdır.