AZE | RUS | ENG |

Polşada yeni nazirlərin təyinatı Azərbaycanla münasibətlərə təsir edəcəkmi?

Polşada yeni nazirlərin təyinatı Azərbaycanla münasibətlərə təsir edəcəkmi?
Polşa hökumətində 9 yeni nazirin təyin edilməsi Azərbaycanla Polşa arasında yüksək səviyyəli əlaqələrə təsir edəcəyini düşünmürəm.
 
Bunu Trend-ə Milli Məclisin deputatı, Azərbaycan-Polşa parlamentlərarası əlaqələr üzrə işçi qrupunun üzvü Aydın Mirzəzadə deyib.
O qeyd edib ki, bu məsələlər hər bir ölkənin daxili işidir: "Hökumət daxilində dəyişiklik etmək, eyni zamanda siyasi şəraitdən asılı olaraq kadrları yeniləmək sadəcə olaraq, ölkədə hakimiyyətin öz siyasətini daha səmərəli etmək istəyindən irəli gəlir. Bu məsələdə biz Polşaya uğurlar arzulayırıq. Polşa Azərbaycanla yaxın dostluq əlaqələri olan, Azərbaycanın ərazi bütövlüyünü tanıyan ölkədir”.
 
A.Mirzəzadə bildirib ki, tarixən Azərbaycanda polyak icması yaşayıb, indi də kiçik də olsa polyak icması var və Azərbaycanın dövlət quruculuğunda fəal iştirak edirlər, onlar Azərbaycanın çox sədaqətli vətəndaşlarıdırlar:
 
"Beynəlxalq aləmdə stabilliyin və təhlükəsizliyin yaranması məsələlərində Azərbaycan ilə Polşa arasında çox sıx əməkdalıq var, iki ölkə arasında əlaqələr güclüdür, ticarət-iqtisadi əlaqələr ildən-ilə artır. Hakimiyyətdə hansı siyasi qüvvənin olmasına baxmayaraq, Azərbaycanla Polşa arasında əlaqələr həmişə yüksək səviyyədə olub və bundan sonra da yüksək səviyyədə olacağına hər hansı narahatlıq yoxdur”.
 
Qeyd edək ki, Polşa prezidenti Anjey Duda baş nazirin xahişi ilə 9 yeni nazir təyin edib.



Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0039
GEL 1 Gürcü larisi 0.6928
GBP 1 İngilis funt sterlinqi 2.2278
TRY 1 Türk lirəsi 0.3539
KWD 1 Küveyt dinarı 5.6155
SEK 1 İsveç kronu 0.1920
EUR 1 Avro 1.9794
CHF 1 İsveçrə frankı 1.6974
USD 1 ABŞ dolları 1.7000