Polis Salahı təhqir edən fanatı axtarır
"Liverpul”un futbolçusu Məhəmməd Salah internetdə irqçi təhqirə məruz
qalıb.
Kaspi.az xəbər verir ki, Salahı təhqir edənin "Everton” azarkeşi
olduğu bildirilir. Artıq Mersisayd polisi məsələ ilə bağlı araşdırmaya başlayıb.
Polis həmin fanatı axtarır. İnsidentlə bağlı polisin yaydığı açıqlamada
deyilir:
"Nifrət zəminində hər hansı bir hərəkət yolverilməzdir. İnternetdən
istifadə edərək başqalarını təhqir edənlər başa düşməlidirlər ki, qaydaları
pozurlar və buna görə də qanun qarşısında cavab verməlidirlər”.
"Everton” rəhbərliyi də məsələyə reaksiya verib. Klubun açıqlamasında
bildirilir ki, günahkarın tapılması üçün polisə kömək etməyə hazırdırlar.