Polis “el klasiko”nun keçirilməsini istəmir
Kataloniya
polisində dekabrın 8-də keçiriləcək "el klasiko” ilə bağlı böyük narahatlıq
yaranıb.
Kaspi.az xəbər
verir ki, polis əməkdaşları qarşılaşma keçirilərkən təhlükəsizliyi təmin edə
bilməyəcəklərindən narahatdırlar.
Bildirilir ki, qarşılaşmaya gələcək madridli azarkeşlərin olduqları
avtobusların təhlükəsizliyini təmin etmək üçün yetərli sayda qüvvə yoxdur.
Üstəlik, həmin
gün Kataloniyada növbəti etiraz aksiyasının keçiriləcəyi gözlənilir. Bu amili nəzərə
alan polislər hesab edirlər ki, həmin gün Barselonada "el klasiko”nu keçirmək
mümkünsüzdür.
Qeyd edək ki,
"el klasiko” oktyabrın 26-da keçirilməli idi. Amma Kataloniyadakı etirazlara
görə təxirə salınmışdı.