AZE | RUS | ENG |

Polis bölməsindəki ölüm faktına aydınlıq gətirildi

Polis bölməsindəki ölüm faktına aydınlıq gətirildi
Bakı Şəhər Prokurorluğu və Baş Polis İdarəsi paytaxtın Sabunçu rayonunda polis bölməsində baş verən ölüm faktı ilə bağlı birgə məlumat yayıb

Məlumatda bildirilir ki, sentyabrın 1-dən 2-ə keçən gecə Bakı şəhər sakinləri - 1991-ci il təvəllüdlü Korobeynikov Rauf Aydın oğlu və 1996-cı il təvəllüdlü Əliyev Amil Eldar oğlu Sabunçu rayonu 1-ci Zabrat qəsəbəsində mağazadan, qapını sındırmaq yolu ilə ərzaq məhsulları, səhər saat 5 radələrində Bakıxanov qəsəbəsində «Yeddi gözəl» mağazasından, satıcının yatmasından istifadə edərək, iki ədəd mobil telefon oğurlayıb, saat 5.30 radələrində həmin qəsəbənin Bakıxanov parkında 1995-ci il təvəllüdlü Yəhyayev Namiq Əsəd oğlunu bıçaqla hədələyərək zor tətbiq etməklə, mobil telefonunu quldurluq yolu ilə talayıblar.

Həmin gün Sabunçu RPİ-nin əməkdaşları tərəfindən keçirilmiş əməliyyat tədbirləri nəticəsində qeyd olunan cinayətləri törətməkdə şübhəli olan R. Korobeynikov və A. Əliyev müəyyən olunaraq polisə gətirilib və Rayon Polis İdarəsinin İstintaq Şöbəsində Cinayət Məcəlləsinin 181.2.1 və 181.2.5 maddələri ilə başlanmış cinayət işi üzrə müvafiq istintaq hərəkətləri aparıldıqdan sonra saat 16 radələrində şübhəli şəxs qismində saxlanılıb.

Müəyyən olunub ki, CM-nin 177.2.2 , 172.2.3, 85.2 və 69.4 maddələri ilə Sabunçu Rayon Məhkəməsinin 10.10.2008-ci il tarixli, eləcə də CM-nin 172.2.3 maddəsi ilə Nizami Rayon Məhkəməsinin 11.06.2012-ci il tarixli hökmləri ilə əvvəllər məhkum olunmuş A. Korobeynikov 1 salı ruhi-əsəb dispanserində məcburi müalicə kursu da keçib.

02.10.2012-ci il tarixdə axşam saat 20 radələrində A. Korobeynikov müstəntiqin otağında sahə inspektorunun və zərərçəkmiş N. Yəhyayevin iştirakı ilə şübhəli şəxs qismində dindirilərkən qəflətən özünü pis hiss edib, təcili tibbi yardımın çağırılmasına və bütün zəruri tibbi yardımın göstərilməsinə baxmayaraq, ilkin rəyə görə, ürək çatışmazlığından vəfat edib.

Mərhumun meyiti ekspertizaya göndərilib və yaxınlarının iştirakı ilə baxış keçirilərkən onun bədən səthi üzərində hər hansı xəsarət izi aşkar olunmayıb.

Hazırda Sabunçu Rayon Prokurorluğu tərəfindən araşdırmalar davam etdirilir.

Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8799
GEL 1 1 Gürcüstan larisi 0.5718
GBP 1 1 İngiltərə funt sterlinqi 2.1349
IRR 100 100 İran rialı 0.004
SEK 1 1 İsveç kronu 0.1756
CHF 1 1 İsveçrə frankı 1.7147
KWD 1 1 Küveyt dinarı 5.597
TRY 1 1 Türkiyə lirəsi 0.2973