Platini həbs edildi
UEFA-nın sabiq
prezidenti Mişel Platini həbs olunub.
Kaspi.az xəbər
verir ki, Platini korrupsiyada ittiham olunur. O, DÇ-2022-nin ev sahibliyinin Qətərə
verilməsi ilə bağlı araşdırmalara görə şübhəli bilinərək həbs olunub.
Fransız futbol
funksionerinin DÇ-2022-yə Qətər ev sahibliyi etməsi üçün rüşvət aldığı
bildirilir. Bu hüquq Asiya ölkəsinə 2010-cu ilin dekabrında verilib. Platini
Nanterrenin antikorrupsiya idarəsində saxlanılacaq.
Qeyd edək ki,
M.Platini 2007-ci ildə UEFA prezidenti seçilib. O, FİFA-nın etika komitəsinin qərarı
ilə 2015-ci ildə postundan kənarlaşdırılıb.