Platini Blatteri ifşa etdi
UEFA-nın sabiq prezidenti Mişel Platini keçmiş FİFA prezidenti Jozef
Blatter barədə danışıb. Kaspi.az xəbər verir ki, Platini Blatterə qarşı sərt
ifadələr işlədib. O, sabiq FİFA prezidentinin yalnız özünü qoruduğunu
vurğulayıb. Platini Blatterin eqoist olduğunu da deyib: "Blatter həmişə öz
dərisini qoruyub. O, özündən başqa heç kimi müdafiə etməyib. Məni də heç vaxt
qorumayıb. O, tanıdığım ən böyük eqoistdir.
Blatter həmişə mənə deyirdi ki, ən axırda sənin başını kəsəcəyəm. Adam
ağır gələn odur ki, məni hamı ilə bir qəfəsə saldılar. Guya mən FİFA-dakı
korrupsiyada iştirak etmişəm.
Bu gün mübarizə aparıram. Çünki pis heç nə etmədiyimi bilirəm.
Ədalətin bərpa olunması üçün sona qədər də mübarizə aparacağam”.
Korrupsiyada ittiham olunan Platini 8 il müddətinə futbol
təsərrüfatından uzaqlaşdırılmışdı. Sonradan apellyasiya şikayəti verən
fransızın cəzası 6 ilə endirilib.