Bakı 24°C
“PEN America” mükafatı kriminal-detektivin ustasına verildi
Adının və əsərlərinin ətrafında 30 ildən çoxdur ki,
gedən "kütlə üçün yazılmış”, "market nümunəsi”, "bədiilikdən uzaq”, "şöhrətə
hesablanmış” və s. kimi saysız-hesabsız söz-söhbətlərə baxmayaraq, özünü
Amerika ədəbiyyatının ulduzu, dünya kriminal-detektiv ədəbiyyatının ustası kimi
sübut edə bilmiş yazıçı Stefen Kinq yaradıcılığını daha bir mükafatla "taclandırdı”.
"washingtonpost”-da yer alan xəbərə görə, Amerika və dünya ədəbiyyatına qatdığı
dəyərə görə, "PEN LİTERARY SERVİCE AWARD” mükafatına layiq görülmüş yazar bu
mükafatın yaradıcılıq yolunda xüsusi əhəmiyyət kəsb etdiyini bildirib: "Həm
düşünürəm ki, bu illərdir yazılan, deyilən və cavabsız qalan iddiaların
cavabıdır. Həm də may ayının 22-də "Yad” ("Outsider”) romanım işıq üzü görəcək.
Mükafatın təqdimat mərasimi də həmin günə təsadüf edir. Bu isə mənim üçün
xüsusi gün olacaq deməkdir”.
Mükafat fondundan verilən açıqlamada dəyərləndirmə
zamanı Kinqin, xüsusilə, son 10 ildəki yaradıcılıq yolunun və qələmindən çıxan
peşəkar nümunələrin analiz edildiyi bildirilib. Məlumat üçün bildirək ki, PEN
mükafat fondunun ən nüfuzlu kateqoriyası üzrə verilən bu ada Stefen Sondem, JK
Roulinq, Tom Stoppard, Toni Morrison, Marqaret Etvud kimi güclü imzalar da
layiq görülüb.
