Pele iki ildir kimə azarkeşlik edir?
Braziliya
futbolunun əfsanəsi Pele PSJ-nin futbolçusu Kilian Mbappe barədə danışıb.
Kaspi.az xəbər
verir ki, Pele Mbappenin özünün davamçısı adlandırılmasına da münasibət bildirib.
O, Kiliana azarkeşlik etdiyini də etiraf edib:
"Mbappeni mənim
davamçım hesab edirlər? Bu çox böyük məsuliyyətdir. Bilirsiniz, mən o
futbolçunun pərəstişkarıyam.
Artıq iki ildir
ki, Mbappeyə azarkeşlik edirəm. Ona özümün qazandığım uğurları əldə etməyi
arzulayıram.
Ona zədələrdən
qaçmağı da arzu edirəm. Bu, əsas faktordur. Bizi niyə müqayisə edirlər? Çünki o
da mənim kimi yaraşıqlıdır.
Suala ciddi
cavab versəm deməliyəm ki, Mbappenin oyununa görə onu mənimlə müqayisə edirlər.
Mən də gənc yaşlarımda uğur qazanmağa başladım. Bizim driblinqlərimiz də
oxşardır. Mbappe həqiqətən də Peleyə bənzəyir”.