AZE | RUS | ENG |

Parisdə azərbaycanlı gənc pianoçunun konserti olub

Parisdə azərbaycanlı gənc pianoçunun konserti olub
Parisdəki "Jazz Cafe Montparnasse” klubunda gənc bəstəkar və pianoçu Etibar Əsədlinin konserti olub. Şərq muğam elementləri ilə Qərb caz improvizasiyalarının sintezindən yaranan musiqi cazsevərlərin qəlbini fəth edib.

E.Əsədli xalq mahnılarımızı və özünün bəstələdiyi kompozisiyaları Zakari Abrahamın (kontrabas) və Tilo Bertolonun (zərb aləti) müşayiəti ilə ifa edib.

Gənc bəstəkar öz aranjemanında "Qara qaşın vəsməsi”, "Əlində sazın qurbanı”, "Getmə, getmə, gəl” Azərbaycan xalq mahnılarını, eləcə də özünün "İsimli”, "İtaf” "Buta” bəstələrini səsləndirib. Konsertdə, həmçinin bəstəkarın atası Sahib Əsədli "Mahur” və "Bayatı-Şiraz” muğamlarını ifa edib.

Üzeyir Hacıbəyli adına Bakı Musiqi Akademiyasının bəstəkarlıq fakültəsində görkəmli Azərbaycan bəstəkarı və musiqiçi Arif Məlikovun və Ceyhun Allahverdiyevin tələbəsi olan E.Əsədli caz musiqisi üzrə təhsil almaq üçün Parisə üz tutub. Burada "Centre des Musiques Didier Lockwood” ali musiqi məktəbinin caz piano və improvizasiya fakültəsinə daxil olub və bu il musiqi təhsilini bitirib.

E.Əsədli Azərbaycanda, Fransada, İngiltərədə, İsveçrədə, Kiprdə, Rusiyada, Türkiyədə və Gürcüstanda konsert proqramları ilə çıxış edib. O, bir çox beynəlxalq caz festivallarına qatılıb. Sənətçi Azərbaycanda ilk dəfə bütün milli musiqi alətlərinin səslərini virtual alətlər üzərinə yazaraq proqramlaşdırıb.

Qeyd edək ki, "Jazz Cafe Montparnasse” Parisin ən məşhur caz klublarındandır.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6331
GBP 1 İngilis funt sterlinqi 2.2267
TRY 1 Türk lirəsi 0.3042
KWD 1 Küveyt dinarı 5.6079
SEK 1 İsveç kronu 0.1895
EUR 1 Avro 1.9550
CHF 1 İsveçrə frankı 1.7090
USD 1 ABŞ dolları 1.7000