“Oyundankənar vəziyyət hesabına qələbə qazanmağa öyrəşib”
İngiltərə
Premyer Liqasının 25-ci turunda "Vest Hem” "Liverpul”u qəbul edib və qarşılaşma
heç-heçə yekunlaşıb – 1:1.
Kaspi.az xəbər
verir ki, oyundan sonra "Vest Hem”in baş məşqçisi Manuel Pelleqrini jurnalistlərin suallarını cavablandırıb. O, "Liverpul”un baş
məşqçisi Yurgen Kloppun da ünvanına ironiyalı ifadə işlədib:
"Bunu mütləq
qeyd etməliyəm ki, Klopp oyundankənar vəziyyət hesabına qələbə qazanmağa öyrəşib.
Onun "Borussiya”sı mənim "Malaqa”mı 7 metrlik oyundankənar vəziyyət hesabına məğlub
etdi.
Ona görə də,
onun nədənsə narazılıq etməyə haqqı yoxdur. Biz pis oynamadıq, hətta deyərdim
ki, qələbəyə layiq idik. Elə ona görə də, narazı mən olmalıyam”.