OPEK daxilindəki təlatüm neft bazarına necə təsir edəcək?
Bu
günlərdə OPEC+ komitəsində 3-6 ay müddətinə neft hasilatını azaltmaq məsələsi
müzakirə olunur. Omanın neft naziriMəhəmməd Həmad əl-Rumhijurnalistlərə
bu haqda bildirib: "Məncə, hazırda İranla bağlı hər hansı məsələmüzakirə
olunacaqsa, bu, əhəmiyyətsizdir.İran sanksiya altındadır, ixracı kəsilir.
Onlardan1milyon, yaxud2milyon azaltmağı xahiş edə
bilərik, bunlar mücərrəd söhbətlərdir. İndi
qarşıdakı3,4,6ay barədə, qısa perspektiv barədə söhbət
gedir. Siyasi cəhətdən mühüm dəyişiklik olacağına inanmıram”.
"Bloomberg”
OPEC-in Vyana toplantısına yola düşən nümayəndə heyətlərindən birindəki mənbələrə
istinadən bildirir ki, Moskva hasilatın ixtisar edilməsinə könülsüz yanaşır.
Amma yekun qərarı Putin verəcək. Agentliyin bildirdiyinə görə, energetika
naziri Aleksandr Novak Putinlə operativ danışıqlar aparmaq üçün
Sankt-Peterburqa uçub. Nazir hasilatın azaldılmasının Rusiya üçün sərfəli
olacağına Putini inandırmalıdır.
Belə
görünür ki, OPEK daxilində hasilatın azaldılıb-azaldılmayacağı ilə bağlı
birmənalı fikir mövcud deyil. OPEK daxilindəki təlatüm neft bazarına necə təsir
edəcək?
İqtisadçı-ekspert Rəşad Həsənov bildirdi ki, hasilatın azaldılması ilə bağlı
yekun qərarın qəbul edilməsi ehtimalı konqresdən əvvəl də yüksək idi: "Bu
ehtimallar ötən həftə daha da artdı. Çünki OPEC katibliyi hasilatın gündəlik
1,3 milyon barrelədək azaldılması ilə bağlı tövsiyələr vermişdi. Müşahidələr
onu göstərir ki, hazırda neft hasilatçısı olan ölkələr dünya bazarında neftin
qiymətinin aşağı düşməsi ilə bağlı çox narahatdır. Belə bir şəraitdə böyük
ehtimalla, hasilatın azaldılması ilə bağlı yekun qərar qəbul ediləcək. Əgər
qərar qəbul olunarsa, növbəti həftələrdən etibarən neftin qiyməti müəyyən qədər
bahalaşacaq. Əgər qərar 2019-cu ilin sonuna qədər qüvvədə qalması şərti ilə
qəbul olunarsa, bu zaman neftin növbəti il üçün bazar qiyməti təqribən 70
dollar ətrafında dəyişə bilər. Qısa müddətli təsirlər əlbəttə, qiymətləri
müəyyən qədər endirib qaldıra bilər. Zaman-zaman qiymətlər hətta 75-80 dollar
həddinə qədər qalxa bilər. Amma dünya iqtisadiyyatının inkişaf tempi növbəti il
üçün nisbətən zəif olaraq proqnozlaşdırılır. Belə bir şəraitdə qiymətlərin 70
dollar ətrafında qalma ehtimalı daha yüksəkdir”.
Ekspert
söylədi ki, qərar qəbul olunsa belə, onun icrasında müəyyən problemlər yaşana
bilər: "Əslində OPEC-ə müxtəlif konyukturalı ölkələr daxildir. Bu mənada ortaya
qoyulacaq mövqelər də fərqli ola bilər. ABŞ-ın əsas tərəfdaşı OPEC-in sütunu
hesab olunan Səudiyyə Ərəbistanıdır. Son aylar ərzində Səudiyyənin ətrafında
baş verən siyasi hadisələr ABŞ-ın bu ölkəyə təzyiq etmək imkanlarını daha da
artırıb. Əslində Səudiyyə özünü hasilatı azaltmağa meylli bir tərəf kimi
göstərir. Amma indiki halda hətta yekun qərar qəbul edilsə belə, onun icrası
ilə bağlı ciddi problemlər yaşana bilər. Məsələ burasındadır ki, hazırda
qiymətlərin kəskin şəkildə ucuzlaşmasından söhbət gedir. Bir ay ərzində
qiymətlər təxminən 30 faizə qədər ucuzlaşıb. Bu, Səudiyyə Ərəbistanının özünün
də maliyyə sabitliyi üçün müəyyən risklər formalaşdırır. Ola bilsin ki. qərarın
qəbul edilməsində Səudiyyə daha konstruktiv mövqe sərgiləsin. Amma sonradan
təzyiqlər vasitəsilə növbəti ilin əvvəllərində hasilatın tənzimlənməsi sazişinə
əməl etməyə bilər. Amma hələlik bu barədə danışmaq üçün tezdir. Çünki OPEC
ölkələrinin ortaya qoyacağı mövqe tam aydın deyil. Hazırda proseslər çox
mürəkkəb bir formada irəliləyir”.
R.Həsənov
bildirdi ki, ABŞ-da neft sektoru özəldir. Neftin hazırkı qiymətləri ABŞ-ın neft
sektoru iştirakçıları üçün səmərəlidir: "Çünki şist neftin digərləri müqayisədə
maya dəyəri nisbətən daha bahadır. Bununla belə, qiymətlərin yüksək olması bu
sahəyə olan investisiya imkanlarını artır. Qiymətlərin artacağı təqdirdə,
ABŞ-da hasilat daha da arta bilər. Əslində OPEC-in bu gün əsas nəzərə almalı
məqamlardan biri də odur ki, ABŞ hasilatı artırmaqla, OPEC və digər hasilatçı
ölkələrin mövqeyinə ciddi təsir edə bilər. Hökumətin mövqeyi isə həmişə olduğu
kimi neqativdir. Çünki prezident administrasiyası neftin qiymətinin baha
olmasında maraqlı deyil. Dövlət başçısı Tramp müxtəlif vasitələrlə öz mesajlarını
ictimailəşdirib. İstənilən halda, ABŞ-ın rəsmi mövqeyi bunun əksinə olsa belə, OPEC bu qərarı qəbul
etmək gücündə olan bir strukturdur. Təşkilat bu günə qədər öz davranışlarında bunu
sərgiləyib. Ümid edirəm ki, toplantıda ortaq məxrəcə gəlinəcək. Hazırda Rusiya
maraqlı mövqe nümayiş etdirir. Rusiya İranla bağlı sanksiyalar qüvvəyə
mindikdən sonra hasilatını əhəmiyyətli səviyyədə artırıb. Belə ki, bu, Rusiya
tarixində ən maksimum göstəricidir. Halbuki hasilatın artması qiymətlərə kəskin
təsir edir. Rusiya gündəlik 10 milyon neft ixrac edən bir ölkədir. Bu şəraitdə
qiymətin bir dollar dəyişməsi 10 milyon itki deməkdir. Amma nədənsə Rusiya
Trampın istəyinə uyğun bir siyasət həyata keçirir. Nəticələrin necə olacağını
söyləmək istənilən halda, çətindir”.
Neft Araşdırmaları Mərkəzinin rəhbəri, enerji məsələləri üzrə ekspert
İlham Şabanqeyd etdi
ki, hələlik yekun qərara dair heç bir məlumat yoxdur:
"Yüksək ehtimalla bu qərar mətbuata sabah (bu gün) açıqlanacaq. Halbuki bu gün
neft hasilatının azaldılması ilə bağlı yekdil qərara gəlməyin mümkün olmadığına
dair mətbuata məlumatlar verilib. Bu xəbər isə neft bazarına mənfi təsir
göstərdi. Qiymətlər hazırda kəskin ucuzlaşmaqda davam edir və bazarda vəziyyət
kifayət qədər mürəkkəbdir. Ona görə də, proqnoz vermək bir az çətindir. Bu gün
səhər saatlarında qiymətlər 6,27 faizədək aşağı düşüb. Günortadan sonra isə
qiymətlər bir qədər bahalaşaraq 59 dolları keçdi. Ona görə də, qiymətlərin
hansı səviyyədə dəyişəcəyini demək çətinləşir”.
Şəbnəm Mehdizadə