Onu gətirən təyyarənin uçuşunu 32 min fanat izlədi
Dortmund "Borussiya”sının hücumçusu Pyer-Emerik Obameyanq "Arsenal”a
keçməyə çox yaxındı.
Kaspi.az xəbər verir ki, Obameyanq artıq Londondadır. Qabonlu
futbolçu İngiltərənin paytaxtına xüsusi təyyarə reysi ilə gəlib.
"Arsenal”ın azarkeşləri Obameyanqın keçidinə böyük maraq göstərirlər.
"FlightTracker” servisinin məlumatına görə, onu gətirən təyyarənin uçuşunu 32
min "Arsenal” fanatı izləyib.
Obameyanqın transferinin 62 milyona başa gələcəyi bildirilir. Belə
olacağı təqdirdə, qabonlu hücumçu "topçular”ın ən bahalı transferi olacaq.