Bakı 27°C
Onu divarın o üzünə atmaq, ya da asmaq istəyir
"Nitsa”nın baş məşqçisi
Patrik Vieyra Mario Balotelliyə qarşı münasibəti barədə danışıb.
Kaspi.az xəbər
verir ki, Vieyra Balotelliyə qarşı qəzəbli olduğunu büruzə verib. Ancaq o,
istedadlı bir futbolçunu itirmək istəmədiyini də etiraf edib:
"İş Marioya gəlib
çıxanda, onu götürüb hasarın o biri tərəfinə tullamaq, ya da ki, boğazından asmaq
istəyirəm. Ancaq bilirəm ki, bunu edə
bilmərəm. Mən daha oyunçu deyiləm.
İndi bir şey
haqqında danışmazdan əvvəl iki dəfə fikirləşməliyəm. Sözlərimin Balotelliyə necə
təsir edəcəyini nəzərə almalıyam. Biz istedadlı bir futbolçunu itirə bilərik.
Nəsə deyib,
sonra təəssüflənmək istəmirəm. Bu məsələdə konstruktiv mövqe tutmalıyam”.
Vieyra
"Genqam”la oyunun (0:0) 75-ci dəqiqəsində Balotellini əvəzləyib. Bu vaxt
onların arasında mübahisə yaşanıb.
