Onu almaq istəyirlər, amma “Barsa” ilə razılaşa bilmirlər
"İnter”in baş məşqçisi Luçano Spalletti "Barselona”nın futbolçusu
Rafinya Alkantaranın transferi barədə yayılan məlumata münasibət bildirib.
Kaspi.az xəbər verir ki, Spalletti Rafinya ilə bağlı danışıqlar
apardıqlarını etiraf edib. Ancaq o, "Barselona” ilə razılığa gəlməyin də çətin
olduğunu vurğulayıb:
"Biz Rafinyanı transfer etmək istəyirik. Ancaq bu, o qədər də sadə
deyil. "Barsa” ilə razılığa gəlmək çətindir. Hələ transfer baş tutmayıb,
baxmayaraq ki, bir çox mənbələr əksini söyləyir”.
Rafinya ötən ilin aprelindən
zədə səbəbindən meydana çıxmır. İtaliya mətbuatı iddia edir ki, bu transfer
zamanı futbolçunun tibbi müayinəsinin nəticəsi əsas olacaq.