Onu 250 minlik avtomobilə minməyə qoymayıb
"Mançester
Yunayted”in sabiq baş məşqçisi Joze Mourinyo Pol Poqba ilə yaşadığı münaqişə
barədə danışıb.
Kaspi.az xəbər
verir ki, Mourinyo ad çəkməsə də, bir futbolçunun xahişini rədd etdiyini
bildirib. Ancaq açıqlamadan aydın olur ki, portuqal mütəxəssis məhz Poqbanı nəzərdə
tutur:
"Mançester 30 km
kənarda oyunumuz var idi. Bir futbolçu yaxınlaşıb mənə dedi ki, qarşılaşmadan
sonra komanda ilə yox, tək qayıtmaq niyyətindədir.
Mən isə ona
dedim ki, əgər oyun Londonda olsaydı, sənə icazə verərdim. Ancaq Mançesterə
yaxın yerdə oynadığımızı üçün komanda ilə birgə qayıtmaq məsləhətdir.
Biz həmin
qarşılaşmada qalib gəldik. Mən çox xoşbəxt idim. Oyundan sonra həmin oyunçu yenə
də yaxınlaşıb məndən icazə istədi. Ona dedim ki, avtobusa otur, hərəkət edək,
10 dəqiqədən sonra sürücüyə deyərsən saxlayar və hara istəsən gedərsən.
Mətbuat
konfransından qayıdıb avtobusa minəndə orda "Rolls-Royce” gördüm. Avtomobil təzə
idi. Onun sahibi stadionu komandanın avtobusunda yox, məhz bu maşında tərk etmək
istəyirdi”.
Poqba 2018-ci
ilin əvvəlində 250 min funta "Rolls-Royce” almışdı.