Onu 100 milyona satmağa razıdırlar
"Mançester Siti”nin yarımmüdafiəçisi Leroy Sane bu yay komandanı tərk
edə bilər.
Kaspi.az xəbər verir ki, Saneni almağa əsas namizəd "Bavariya”dır.
Futbolçu da bu kluba keçməyin əleyhinə deyil.
"Bavariya” ona görə 80 milyon avro təklif etmişdi. Ancaq "şəhərlilər”
bununla razılaşmamışdılar. Siti” rəhbərliyi ümumiyyətlə, futbolçunu satmaq
niyyətində deyildi.
Ancaq son məlumata görə, "Siti” Saneni satmağa razılaşıb. Amma
futbolçuya görə 100 milyon avro tələb edir.
Transfer baş tutsa, Sane "Bavariya” ilə 4-5 illik müqavilə
bağlayacaq. Onun illik məvacibinin 20 milyon avro olacağı bildirilir. Belə
olacağı təqdirdə, o, komandada ən ödənişli futbolçuya çevriləcək.