Ona qarşı hücum Madriddən sifariş edilib
"Barselona”nın
futbolçusu Lionel Messi İspaniyanın vergi orqanı ilə yaşadığı problem barədə
danışıb.
Kaspi.az xəbər
verir ki, Leo bu problemin süni surətdə yaradıldığını deyib. O, sifarişin
Madriddən gəldiyini də iddia edib:
"Həmin il mənim
üçün çətin oldu. Ailəm, atam, yaxınlarım haqqında yazılanları izləmək o qədər də
asan deyildi. Ancaq mən depressiyaya düşmədim.
Hiss edirdim ki,
mənə hücum edirlər. Ancaq Barselonada, Kataloniyada insanlar, yerli jurnalistlər mənə dəstək oldular. Bu da məni sakitləşdirirdi.
Bəli, bu,
sifariş idi. Hücum etmək, məni sancmaq, ruhdan salmaq, zəiflətmək. Ancaq mən bu
yolu keçə bildim. Çünki başa düşürdüm ki, sifariş Madriddən gəlib”.
Messi
2007-2009-cu illərdə 4 milyon avronu vergidən yayındırmaqda ittiham olunurdu. Məhkəmə
ona 21 ay şərti həbs cəzası kəsmişdi. Ancaq sonradan bu cəza cərimə ilə əvəzləndi.