Olimpiadanı keçirməyə 7 ölkə namizəddir
2026-cı ildə
keçiriləcək Qış Olimpiya Oyunlarına ev sahibliyi etmək istəyən ölkələrin adları
açıqlanıb.
Kaspi.az xəbər
verir ki, Beynəlxalq Olimpiya Komitəsinin açıqladığı siyahıda 7 ölkə var.
Kanada (Kalqari), Avstriya (Qrats), İtaliya (Kortina-Dampetso, Turin, Milan),
Yaponiya (Sapporo), İsveç (Stokholm), İsveçrə (Syon), Türkiyə (Ərzurum)
olimpiadaya ev sahibliyi etməyə iddialıdır.
2026-cı ildə
keçiriləcək olimpiadanı qəbul edəcək ölkənin adı 2019-cu ilin sentyabrında
açıqlanacaq. İndiyə qədər İtaliya, İsveçrə, Kanada və Yaponiya iki dəfə qış
oyunlarına ev sahibliyi edib.
Avstriya bir dəfə
buna nail olubsa, İsveç və Türkiyə hələ ev sahibi olmayıb.