O, karyerasını bitirsə ölə bilər
"Arsenal”ın
baş məşqçisi Arsen Venger karyerasını bitirmək istəmədiyini bir daha bəyan
edib. Kaspi.az xəbər verir ki, Venger məşqçilik karyerasını bitirsə, ölə biləcəyini
deyib. O, hazırda daha böyük təzyiqlə üz-üzə qaldığını da vurğulayıb: "Mən getməyəcəm.
Təqaüdə çıxmaq gənclərin işidir. Yaşlılar üçün təqaüdə çıxmaq isə ölümə bərabərdir.
Karyeramı bitirsəm, ölə bilərəm. Əlbəttə, qələbəyə yenə də acam, lap Londona gəldiyim
ilk vaxtlardakı kimi. İndi də mənə böyük təzyiq var, ancaq qələbə qazanmaq istəyim
itməyib.
Mən "Arsenal”a
gələndə klubda 70 nəfər işləyirdi, indi isə 700. Klubun bir səhmi 400 funt
sterlinq idi, indi 18 min funtdu. Dərhal da qeyd edirəm, mənim bircə səhmim də
yoxdur. Qorxu yoxdur. Sadəcə, istək və ümid var. Məğlub olmağa nifrət edirəm. Bu
işdə 34 ildir çalışıram. Heç vaxt məğlub olacağını ağlına gətirməməlisən.
Azarkeşləri
də, onların hər məğlubiyyətdən sonra keçirdikləri hissləri də anlayıram. Ancaq
uğura nail olmaq üçün azarkeşlərlə bir yerdə olmaq vacibdir”.