O, heç nədən qorxmur
"İnter”in idman
direktoru Pyero Auzilio komandanın hücumçusu Mauro İkardi barədə danışıb.
Kaspi.az xəbər
verir ki, Pyero İkardidən razı olduqlarını bildirib. O, argentinalı hücumçunun "Yuventus”a
keçəcəyi barədə yayılan məlumata da münasibət bildirib:
"Biz İkardidən
razıyıq. O, həmişə məsuliyyəti öz üzərinə götürür, heç nədən qorxmur. Həmişə səmimi
və açıq danışmışam. Biz İkardiyə müqavilənin
uzadılması ilə bağlı son təklifi iki ay əvvəl etmişik. Amma o, bu təklifi qəbul
etməyib.
Ancaq bu o demək
deyil ki, irəliləyiş olmayacaq. Biz danışıqları bərpa etmək, əməkdaşlığımızı davam
etdirmək istəyirik. Onu "Yuventus”a satmaq istədiyimizlə bağlı yayılan məlumata
isə münasibət bildirməyi belə yersiz hesab edirəm. Buna sadəcə gülürəm.
Milad bayramından
əvvəl pis şeylər haqda danışmaq istəmirəm. Sevinclə bildirirəm ki, İkardi heç vaxt "Yuventus”a
keçməyəcək.