O, Azərbaycan yığmasına qarşı oynamayacaq
Almaniya millisinin və "Bavariya”nın qapıçısı Manuel Noyer sıradan
çıxıb.
Kaspi.az xəbər verir ki, 31 yaşlı qolkiper məşq zamanı zədələnib. Bu
barədə məlumatı Almaniyanın "Bild” nəşri yayıb. Müayinə zamanı qolkiperin sol
ayağında qırıq aşkar olunub. Noyerin tezliklə əməliyyat olunacağı da
vurğulanıb. O, bir neçə ay yaşıl meydandan kənarda qalacaq.
Xatırladaq ki, Almaniya millisi DÇ-2018-in seçmə mərhələsində
Azərbaycan yığmasının rəqibidir. Bundestim oktyabrın 8-də yığmamızı qəbul
edəcək. Bərpası bir neçə ay çəkəcək Noyer millimizlə oyunu buraxmalı olacaq.