O, Almaniya yığmasının oyununu bəyənmir
Argentina yığmasının baş məşqçisi Xorxe Sampaoli DÇ-2018-də iştirak
edəcək bir neçə komanda barədə fikirlərini bildirib.
Kaspi.az xəbər verir ki, Sampaoli mundialın favoritləri barədə də
danışıb. O, Almaniya yığmasının oyununu bəyənmədiyini də vurğulayıb:
"Mənə görə, Braziliya, İspaniya və Fransa Argentina yığmasını bir
addım qabaqlayır. Çünki onların işləmək üçün daha çox vaxtı olub.
Almaniya yığmasını unutmamışam. Sadəcə, oyununu bəyənmədiyim üçün
adını çəkmədim. Bizim oyun sistemimiz dəyişə bilər.
Biz 6 futbolçu ilə hücum etməyə, 4 futbolçu ilə müdafiə olunmağa
hazırlaşırıq. Amma hər şey rəqibdən asılıdır. Hərdən 2-3-2-3 sistemi ilə də
oynaya bilərik”.