Nuri ayılanda danışa, yeriyə bilməyəcək
"Verder”lə yoxlama oyununda huşunu itirən "Ayaks”ın futbolçusu
Abdelahka Nurinin səhhəti barədə yeni məlumat var.
Kaspi.az xəbər verir ki, məlumatı futbolçunun qardaşı Əbdürrəhim
verib. O, qardaşının durumunun ağır olduğunu bildirib:
"Həkimlər onun durumunu çox ağır dəyərləndirirlər. Böyük ehtimalla,
Nuri ayılanda danışa, yeriyə bilməyəcək, heç kimi tanımayacaq. Ancaq biz
ümidimizi itirmirik.
İnancımız qaçılmazlıqları qəbul etməyi öyrədir. Ancaq biz ona görə
dua edirik. Biz həqiqətən də inanırıq ki, burdakı həyatımız müvəqqətidir və
əbədi həyat qarşıdadır. Ancaq biz qardaşımızı yenə də görmək istəyirik”.
Həkimlər Nurini süni komada saxlayırlar.