“Neftçi”nin prezidenti istefaya göndərilir

“Neftçi” futbol klubunun prezidenti Sadıq Sadıqov yaxın günlərdə istefaya göndəriləcək. Lent.az-ın mötəbər mənbələrdən əldə etdiyi məlumata görə, Sadıqov səhhətindəki problemlərlə əlaqədar postunu tərk etməyə qərar verib.
Klub prezidentinin istefasında mayın 28-də “Neftçi” və “Xəzər Lənkəran” arasında keçirilmiş oyundan sonra baş verənlər də müəyyən rol oynayıb.
Yeni prezidentin Azərbaycan Dövlət Neft Şirkəti rəsmilərindən birinin olacağı bildirilir.