AZE | RUS | ENG |

“Neftçi”dən antirekord

“Neftçi”dən antirekord
Çempionun startdakı 4 matçda buraxdığı topların sayı 5-ə çatıb


Son 2 mövsümün Azərbaycan çempionu “Neftçi” Topaz Premyer Liqasının cari mövsümündə ilk 4 qarşılaşmada 5 dəfə məyus olub. Lent.az-ın məlumatına görə, bunadək “Qarabağ” və “Xəzər Lənkəran” klublarının hərəsindən 1 qol buraxan bakılılar “Sumqayıt”a 2:3 hesabı ilə uduzub.
Bununla da çempionun startdakı 4 matçda buraxdığı topların sayı 5-ə çatıb. Bu isə “Neftçi”nin tarixində ən pis göstəricidir. “Ağ-qaralar” 1993 və 2006/2007-ci il mövsümlərində də ilk 4 qarşılaşmada 5 dəfə qola məyus olmuşdu.
Startdakı 4 oyunda 2 məğlubiyyət alan “Neftçi” ölkə çempionatları tarixində 5-ci dəfə mövsümə belə başlayıb. Paytaxt təmsilçisi 1998/1999, 2006/2007, 2008/2009 və çempion olduğu ötən - 2011/2012 mövsümündə də ilk 4 oyundan 2-də xalsız qalmışdı.
Bu oyun həm də mövsümün 2-ci avtoqolu ilə əlamətdar olub. “Sumqayıt”ın futbolçusu Xəyal Mustafayev “Neftçi” ilə oyunda öz qapısına qol vurub. Bunadək “Qarabağ”ın albaniyalı müdafiəçisi Admir Teli uğursuzluq yaşamışdı. O, “İnter”lə oyunda avtoqol müəllifi olmuşdu. Mustafayev isə Azərbaycan çempionatları tarixində “Neftçi”ilə oyunda avtoqol edən 13-cü futbolçu olub. Bakılılar indiyədək hamıdan çox – 13 dəfə rəqiblərin avtoqoluna sevinib.

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9187
GEL 1 1 Gürcüstan larisi 0.6445
GBP 1 1 İngiltərə funt sterlinqi 2.1759
IRR 100 100 İran rialı 0.004
SEK 1 1 İsveç kronu 0.1828
CHF 1 1 İsveçrə frankı 1.691
KWD 1 1 Küveyt dinarı 5.5933
TRY 1 1 Türkiyə lirəsi 0.3217