Bakı 20°C
“Neft Daşları”nda yeni quyu qazılır
"Neft Daşları” yatağında 1637A nömrəli estakadayanı meydançadan 2648 nömrəli quyuda qazma işləri uğurla davam etdirilir.
"Report” xəbər verir ki, bu barədə Azərbaycan Dövlət Neft Şirkətinin (SOCAR) açıqlamasında bildirilir.
Məlumatda deyilir ki, SOCAR-ın "Azneft” İstehsalat Birliyinin "Neft Daşları” Neft və Qazçıxarma İdarəsinin sifarişi ilə Kompleks Qazma İşləri Tresti tərəfindən Qirməki Altı Lay Dəstəsində qazılan quyunun layihə dərinliyi 1770 metrdir.
Geoloqların hesablamalarına əsasən, quyudan sutkada 10 ton neft və 1000 kubmetr qaz hasil olunacağı nəzərdə tutulur.
