Bakı 23°C
Nazir müavini çempionlarla görüşdü
Azərbaycanın gənclər və idman nazirinin müavini İsmayıl İsmayılov
kempo üzrə dünya və Avropa çempionlarını qəbul edib.
Kaspi.az xəbər verir ki, görüşdə Kempo Federasiyasının prezidenti
Rauf İbrahimov çıxış edərək, kempo idman və döyüş sənətinin inkişafında
nazirliyin dəstəyindən, bu gün dövlətin idmana qayğısından danışıb.
Sonra Rauf İbrahimov idmançıları nazir müavininə təqdim edərək,
yarışın nəticələri haqda məlumat verib. İsmayılov öz növbəsində bu gün
Azərbaycan idmanın inkişafı, kempo təşkilatının az bir vaxtda geniş təbliğata
nail olması haqda danışaraq, idmançıları təbrik edib və onlara xatirə
hədiyyələri təqdim edib. O, bəzi güc strukturlarında çalışan kempoçulara
uğurlar arzulayıb.
İdmançıların arasında dünya kubokunun qalibi, Dövlət Sərhəd Xidməti
Xüsusi məktəbin fiziki tərbiyə müəllimi Anar Heydərquliyev də iştirak edib. O,
idmançılara göstərilən diqqətə görə ölkə prezidenti İlham Əliyevə, Dövlət
Sərhəd Xidməti rəisi general polkovnik Elçin Quliyevə və gənclər və idman
nazirliyinə öz minnətdarlığını bildirib.
