“Naxçıvan Muxtar Respublikasında əmək potensialının formalaşması və istifadəsi” adlı monoqrafiya işıq üzü görüb
AMEA Naxçıvan Bölməsinin Təbii Ehtiyatlar İnstitutunun İqtisadiyyat
şöbəsinin müdiri Sevinc Cabbarovanın "Naxçıvan Muxtar Respublikasında əmək potensialının
formalaşması və istifadəsi” adlı monoqrafiyası işıq üzü görüb.
AMEA Naxçıvan Bölməsinin Rəyasət Heyətinin qərarı ilə çap olunan yeni
nəşrdə əmək potensialının formalaşması və inkişafı amilləri, əmək
potensialından səmərəli istifadəyə demoqrafik dəyişikliklərin təsiri işıqlandırılıb.
Eyni zamanda Naxçıvan Muxtar Respublikasında əhalinin əmək fəallığına
sosial-iqtisadi inkişafın təsiri və məşğulluğun inkişaf vəziyyəti tədqiq edilib.
Monoqrafiyada yeni iqtisadi münasibətlər şəraitində Naxçıvan iqtisadi
rayonunda innovasiyaların əmək prosesində idarə olunması, əmək potensialının səmərəli
istifadə edilməsində regional klasterlər və onların rolu göstərilir.
Rus dilində, üç fəsildən ibarət olan yeni nəşrin sonunda müəllif apardığı
tədqiqatların nəticələrini ümumilləşdirib, müəyyən elmi və
nəzəri əhəmiyyəti olan təklif və tövsiyələrini irəli sürüb.