Narkomaniya qarşı mübarizə tədbirləri çərçivəsində tələbələrlə görüş keçirib
"Narkotik vasitələrin, psixotrop maddələrin və
onların prekursorlarının qanunsuz dövriyyəsinə və narkomanlığa qarşı mübarizəyə
dair 2013-2018-ci illər üçün Dövlət Proqramı”na uyğun olaraq Azərbaycan Texniki
Universitetində (AzTU) tələbələrlə görüş keçirilib. AzTU mətbuat xidmətindən "Kaspi”yə
bildirilib ki, görüşdə Narkomanlığa və Narkotik Vasitələrin Qanunsuz Dövriyyəsinə
Qarşı Mübarizə üzrə Dövlət Komisiyasının, Təhsil, Daxili İşlər və Səhiyyə
Nazirliklərinin nümayəndələri iştirak edib.
Tədbiri
giriş sözü ilə açan AzTU-nun prorektoru, professor İsa Xəlilov gənclərlə bu cür görüşlərin əhəmiyyətindən
danışıb. Prorektor bildirib ki, ali təhsil müəssisələrində mütamadi olaraq belə
tədbirlərin keçirməsi gənclərin sağlam cəmiyyətə inteqrasiya etməsində mühüm
addımdır. Sağlam, savadlı və zərərli vərdişlərdən uzaq gənclik yetişdirmək dövlət
siyasətinin əsasını təşkil edir deyən İsa Xəlilov Azərbaycan Texniki
Universitetində təhsil alan tələbələrin bu istiqamətdə gördüyü işlərdən, vacib
layihələrdən söz açıb.
Narkomanlığa
və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının
məsul işçiləri Vasif Quliyev və Raqib Allahverdiyev çıxışlarında qeyd ediblər
ki, narkotik kimi zərərli vərdişlər gündəmi narahat edən problemlərdən
başlıcasıdır. Narkotik aludəçiləri, habelə bununla bağlı cinayət törədənlərə
qarşı Daxili İşlər Nazirliyinin lazımi tədbirlər gördüyünü diqqətə çatdırıblar.
Daxili
İşlər Nazirliyinin əməkdaşı palkovnik-leytnant Elşad Məmmədli narkotik madələrə
aludəçilik və qanunsuz dövriyəsinin Azərbaycanda digər ölkələrlə müqayisədə xeyli
az olduğunu deyib. Palkovnik-leytnant bildirib ki, bunula belə mübarizə tədbirləri
intensiv şəkildə həyata keçirilir.
Səhiyə
və Təhsil Nazirliklərinin nümayəndələri də bu sahədəki mövcud vəziyyətə diqqət
çəkərək gedikcə müsbət tendensiya baş verdiyini qeyd ediblər. Təhsil Nazirliyinin
baş məsləhətçisi Elnur Əlizadə bildirib ki, təbliğat işi bu məsələdə çox
vacibdi. Buna görə də Təhsil Nazirliyinin bu cür layihələrə hər zaman dəstək
verəcəyi vurğulanıb.
Sonda
toplantıda iştirak edən tələbələrə Dövlət Komissiyasının İşçi Qrupu tərəfindən
hazırlanan film nümaiş olunub, zəruri təbliğat materialları paylanılanılıb.