Bakı 13°C
“Nar”dan Yeni il ərəfəsində sərfəli rouminq təklifləri
"Nar” qış mövsümündə və Yeni il ərəfəsində xaricə səyahətə çıxan abunəçilər üçün yeni sərfəli rouminq paketləri təqdim edir. Artıq "Nar” abunəçiləri xarici ölkələrdə olarkən sərfəli qiymətə təqdim olunan 4 yeni rouminq paketindən yararlana bilərlər. Bunun üçün səfərə çıxarkən rouminq paketlərindən birini sifariş etmək kifayətdir. Təqdim olunan "Roaming 9” paketi abunəçilərə 500 MB internet, "Roaming 15” paketi 500 MB internet və 50 dəqiqə səsli zəng, "Roaming 18” paketi 1 GB internet, "Roaming 28” paketi isə 1 GB internet və 100 dəqiqə səsli zəng xidməti təklif edir. "Roaming 18” və "Roaming 28” paketlərində "WhatsApp” vasitəsilə yazılı mesajlar pulsuzdur.
Sifariş edilən paketdaxili internet və dəqiqənin balansını yoxlamaq üçün *777#20#YES kodunu yığmaq kifayətdir. "Roaming 9”, "Roaming 15” paketlərinin istifadə müddəti 5, "Roaming 18” və "Roaming 28” paketlərinin istifadə müddəti isə 15 gündür.
Rouminq paketləri haqqında daha ətraflı məlumatı "nar.az” saytından və ya 777 nömrəsinə "R” göndərməklə əldə etmək olar.
"Azerfon” şirkəti ("Nar” ticarət nişanı) 2007-ci il martın 21-də fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. "Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. "Nar” ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib. "Nar” şəbəkəsi hazırda ölkə ərazisinin 97 faizini əhatə edir (işğal olunmuş ərazilər istisna olmaqla) və 7300-dən artıq baza stansiyası ilə 2,2 milyondan çox abunəçiyə yüksək keyfiyyətli xidmət göstərir.
