Naqif Həmzəyev: “Gəncəlilərin alternativsiz seçimi İlham Əliyevdir”
"Bu gün dünyada sabitlik diyarı kimi tanınan Azərbaycan
öz uğurları ilə beynəlxalq aləmin diqqətini cəlb edir. Ölkənin
güclü və qüdrətli iqtisadiyyatı sayəsində
yaxın
keçmişdə bizim üçün əlçatmaz görünən arzular reallığa çevrilir, Azərbaycan
müasir dünyanın tələblərinə cavab verən yüksək inkişaf etmiş bir dövlət kimi tanınır. Bütün bunlar ölkə Prezidenti
cənab İlham Əliyevin uğurlu siyasi xəttinin nəticəsidir”.
Bu barədə Milli Məclisin deputatı, Yeni Azərbaycan
Partiyası (YAP) Gəncə Şəhər Təşkilatının sədri Naqif Həmzəyev bildirib. O deyib ki, dünyanın siyasi çəkisində nüfuz sahibi olan ölkələrin
Azərbaycana artan marağı fonunda Prezident İlham Əliyevin adı ətrafında dünyamiqyaslı
siyasətçi imicinin formalaşması da artıq sübuta ehtiyacı olmayan bir aksiomdur.
Millət vəkili bildirib ki, Azərbaycanın Cənubi Qafqazın qüdrətli dövləti kimi
mövqelərini daha da möhkəmləndirməsi, Prezident İlham Əliyevin adı ilə birbaşa
bağlı olan və ölkəmizin inkişafına xidmət edən bütün nailiyyətlər Gəncə sakinlərində
də böyük qürur hissi yaradır, onların daha səylə çalışmalarına stimul verir: "Gəncəlilər
ümummilli lider Heydər Əliyev siyasətinin Prezident İlham Əliyev tərəfindən
uğurla həyata keçirilməsi nəticəsində ölkəmizin dinamik inkişafının
davamlılığını təmin etmək üçün üzərlərinə düşən vəzifələri yüksək səviyyədə
yerinə yetirməyə çalışırlar”.
Millət vəkili Azərbaycanda sahibkarlığın inkişafına
göstərilən dövlət dəstəyindən də söhbət açıb. O vurğulayıb ki, ölkə başçısının
sahibkarlıq fəaliyyəti ilə bağlı imzaladığı fərman və sərəncamlar Nizami
yurdunda sahibkarlıq fəaliyyətinə geniş imkanlar yaradıb: "Bunun nəticəsidir
ki, 2017-ci ildə Gəncə şəhərinə ümumi dəyəri 338 milyon 700 min manat
investisiya qoyulub. 2018-ci ildə isə bu rəqəmin 1,8 dəfə artması gözlənilir. Ölkəmizdə
özəl sektora göstərilən dövlət qayğısından bəhrələnən 14 sahibkarlıq subyekti tərəfindən
20-yə yaxın xarici ölkəyə 183 milyondan çox rəqabətqabiliyyətli məhsul ixrac
olunub və özəl sektorun ümumi daxili məhsuldakı payı artaraq 81,0 faizə çatıb”.
Millət vəkili N.Həmzəyev qeyd edib ki, Azərbaycan
Silahlı Qüvvələrinin daha da modernləşməsi istiqamətində aparılan işlər,
demokratik dəyərlərin cəmiyyətdə öz yerini möhkəmləndirməsi, respublikamızın mədəni
yüksəlişi də Prezident İlham Əliyevin ölkəyə layiqli rəhbərliyinin nümunəsidir:
"Ölkəmiz növbəti prezident seçkiləri ərəfəsindədir. Bu gün gündəmin əsas
mövzusu seçki məsələsidir. Tam əminliklə söyləmək olar ki, Azərbaycan əhalisinin
böyük əksəriyyəti 11 aprel - Seçki
Günündə Prezident İlham Əliyevi dəstəkləyəcək
və öz səsini həmişə xalqının yanında olan liderinə səs verəcək. YAP Gəncə şəhər
Təşkilatının 50 minlik üzvü də öz növbəsində ölkə başçımız, Yeni Azərbaycan
Partiyasının sədri, cənab İlham Əliyevin seçkilərdə qələbə qazanması uğrunda
çalışacaq, seçkilərin yüksək səviyyədə keçirilməsi üçün fədakarlıq göstərəcəklər”.
Rufik
İSMAYILOV