Müsavatın saxta arayış qalmaqalı səngimək bilmir - Fotolar
Radikal müxalifət partiyalarında arayış biznesinin
çiçəklənməsi barədə zaman-zaman yazılarımız olub. Həmin yazılarda qeyd etmişik
ki, müxalifət funksionerləri, xüsusən də siyasi təşkilat sədrləri müxtəlif bəhanələrlə
Azərbaycanı tərk edib xaricə sığınmaq istəyənlərə pul qarşılığında saxta sənədlər
düzəldirlər. Beləliklə də dünənə kimi heç bir siyasi fəaliyyəti olmayan, cəmiyyət
tərəfindən ictimai fəal kimi tanınmayan şəxslər birdən-birə "siyasi məhbus”,
"vicdan məhbusu”, "siyasətçi”, "müxalifət partiyasının üzvü” adı altında
Avropaya ayaq açırlar. Bir neçə gündür ki, Müsavat Partiyasında bu mövzuda
qalmaqal yaşanır. Müsavatçı adı altında xaricə sığınanlar partiyanın vəsiqə və
arayışlarının saxta olduğunu, Avropada bu siyasi təşkilata etimadsızlıq göstərildiyini,
hətta məhkəmələrin də sözügedən qurumun "sənədlərinə” şübhə ilə yanaşdığını, qəbul
etmədiklərini vurğulayıblar.
Həqiqətlə uzlaşmayan
"rəylər”
Hazırda Avropada yaşayan mühacir Yafəz Həsənov bir
neçə gündür ki, "Facebook”da bu məzmunda statuslar paylaşır. İyulun 30-da o,
növbəti statusunu da məhz Müsavat Partiyası rəhbərliyinin arayış və vəsiqələrinə
həsr edib. Y.Həsənov müxalifətçilərə müraciət edərək, Müsavat Partiyası rәhbәrliyinin
arayış vә vәsiqәlәrinә aldanıb, Avropaya siyasi mühacirәtә gәlmәməyi tövsiyə
edib. Qeyd edib ki, hәmin arayışlarda yazılanlara artıq Avropanın miqrasiya
idarәlәri inanmır: "Bu ilin mart ayından etibarәn yüzlәrlә Müsavat arayışı tәqdim
edәn mühacirlәrә arayışda yazılan mәlumatların yalan olduğu haqda bildirişlәr
göndәrilib, ardınca da neqativ qәrar. Yәni, deportasiya qәrarı. Hәmin arayışlar
saxta olmasa da (Arif Hacılı yaxud Gülağa Aslanlınım hәqiqi imzasıyla),
miqrasiya idarәlәri arayışın içәrisindә yazılan mәlumatları hәqiqәtә uyğun
olmayan, saxta kimi dәyәndirir”.
Avropa artıq bu "sənədlərə”
inanmır
Y.Həsənov qeyd edib ki, Müsavat Partiyası rәhbәrliyi
hәr il yüzlәrlә şәxsә içәrisindә yalanla dolu informasiya olan arayışlar verib,
Avropaya mühacirәtə yola salır. Onun sözlərinə görə, məhz buna görə də Avropa
artıq bu "sənədlərə” inanmır: "Arayışların mәtni tәxminәn belә olur: "Müsavat
Partiyasının aktiv üzvü olub, polis tәzyiqinә mәruz qalıb, dәfәlәrlә hәbs
olunub, işgәncәlәrә mәruz qalıb, Azәrbaycana geri qaytarılsa yenidәn hәbs
olunacaq”. Proses isə belә baş verir: Mühacirәtә getmәk istәyәn şәxs tapılır,
yaxud özü gәlib bunları tapır. O mühacirәtdәn bir neçә ay әvvәl partiyaya üzv qәbul
olunur, bu müddәt әrzindә partiya rәhbәrliyindәki lazım olan şәxslәrlә hәr
hansı yığıncaqda yanaşı şәkil çәkdirir, daha sonra arayışı vә vәsiqәsini dә
alıb yoluna davam edir. Bәzәn olur ki, şәxs Avropaya mühacirәtә gәldikdәn sonra
partiya onu üzv qәbul edir, daha sonra arayış vә vәsiqә ilә tәmin edir. "Özünü
yaxşı aparan” potensial mühacirәtçilәr dә var ki, onların qәbul tarixi üçün
arxivә dә әl gәzdirmәk mümkündür. Bir dә baxırsan birisi Avropada peyda oldu, vәsiqәsin
gösәrәrәk deyir ki, 5 iıdir müsavatçıyam. Ancaq, partiya bileti vә arayışı verәnlәrdәn
başqa partiyada heç kim tanımır onları”.
Müsavat başqanı Qüdrət
Həsənquliyev, Hafiz Hacıyev
Y.Həsənov bildirib ki, bu proses uzun illәrdir
davam edir: "Son vaxtlar isә hәddini aşdığından miqrasiya idarәlәri şübhәlәnib.
Axı, Azәrbaycan kimi kiçik ölkәdә bir partiyada nә qәdәr tәqiblә üzlәşәn üzv
ola bilәr? Üstәlik, partiya başqanı hakimiyyәtә qarşı loyaldı, elә dә ciddi
mübarizә aparmır, partiyanı passivlәşdirib. Haqlı fikir yaranır ki, bu cür fәaliyyәt
göstәrәn başqanın bu sayda sıravi üzvlәri repressiyaya necə mәruz qala bilər?
Arayışlardakı mәlumatları şübhәli edәn mәqamlardan biri isә çox maraqlıdır.
Dindirilmә zamanı arayış tәqdim edәn şәxslәr çox vaxt partiya ilә bağlı
elementar suallara cavab verә bilmirlәr. Bәzәn olub ki, Müsavat başqanın adını
soruşanda Qüdrәt Hәsәnquliyev, hәtta Hafiz Hacıyev deyәnlәr olub. Әn yaxşı
halda Gülağa Aslanlı deyәn dә var. Çünki, arayışların çoxu onun imzasıyla
verilir deyә, elә bilirlәr başqan da odur. Bu arayışlarla mühacirәtә gәlәnlәr
arasında hәqiqi, tәzyiqlә üzlәşәn müsavatçılar da var. Onların sayı çox azdır.
Bu arayışların cәmi 5-7 faizi haqq edәnlәrә verilәnlәrdir. Buna baxmayaraq,
Müsavat arayışlarına ucdantutma inamsızlıq onlara da şamil edilir”.
Gülağa Aslanlının
yazdıqlarına inanmayıblar
Y.Həsənov bildirib ki, bəzi hallarda 10 illәrlə
Müsavat üzvü olan, hәqiqәtәn tәzyiq vә tәqiblәrә mәruz qalan şәxslәrә partiya rәhbәrliyi
arayış vermәkdәn imtima edib: "Buna misal olaraqŞamil Beydullayev,
Ehtiram Әsgәrli vә onlarla başqasını misal çәkmәk olar. Onsuz da bu şәxslәrin
çoxu arayışsız siyasi status ala biliblәr. Ancaq niyә halal arayışların ala
bilmәyiblәr, partiya rәhbәrliyi cavab versin? Arayış saylarının şişmәsini istәmәyiblәr?
Haqlı sual yaranır: Ortada hansı maraq var ki, sırf mühacirәtә göndәrilmәk üçün
2-3 ay öncә partiyaya qәbul olunanlara arayış dәrhal verilir, 5-25 ilin
müsavatçısı belә arayışı ala bilmir?”
"Haqq edilmәyәn
siyasi mühacirlik almağa cәhd”
Y.Həsənov siyasi mühacir adı altında xaricdə
sığınacaq almaq istəyənlərə üzünü tutaraq qeyd edib ki, pullarını havayı yerә xәrclәyib
bu cür arayışlar almağa cәhd etmәsinlər: "Pul deyәndә әn azından arayış almaq
üçün partiya qәrargahını gedib-gәlmәk üçün xәrclәdiyiniz yolpulunu nәzәrdә
tuturam. Başqa, böyük xәrclәr dә mümkündür. Onsuz da bu arayışlara
inanmayacaqlar vә siz geri qaytarılacaqsız. Mәnasız kağızlar üçün xәrclәdiyiniz
pullarla әn az 3-4 ay ailәnizi dolandıra bilәrsiz. Әgәr 25-30 ilin
müsavatçıları bu arayışlarla status ala bilmirlәrsә, siz necә alacaqsız? Artıq
Avropada Azәrbaycandan gәtirilәn tәqib vә tәzyiqi "sübut” edәn saxta polis sәnәdlәrinә
vә Müsavat arayışlarına münasibәtdә demәk olar ki, heç bir fәrq qoyulmur. Hәr
ikisi "haqq edilmәyәn siyasi mühacirlik almağa cәhd”dә yardımçı vasitә kimi dәyәrlәndirilir
Ümumiyyәtlә, mәslәhәtim budur ki, hәyatınıza hәqiqәtәn, 100 faizlik tәhlükә
yoxdursa, siyasi mühacir adı ilә Avropaya gәlmәyin. Bir müddәt kamplarda
saxladıqdan sonra geri göndәrәcәksiniz”.
Canfəşanlıq edən
"çayxana siyasətçisi”
Y.Həsənovun bu statusunun altına Müsavat Partiyası
İcra Aparatının rəhbəri Gülağa Aslanlı, Müsavat başqanının müavini Səxavət
Soltanlı rəy yazaraq deyilənləri təkzib etməyə, təmsil olunduqları təşkilatın
mövqeyini müdafiə etməyə çalışsalar da sosial şəbəkə istifadəçilərinin haqlı
sualları və ortaya qoyduqları faktlar qarşısında aciz qalıblar. Tutarlı
faktlarla G.Aslanlını küncə sıxan Zakir Ağayevi icra aparatının rəhbəri "bloka”
atmaqla "zərərsizləşdirib”. Partiya ünvanına səsləndirilən ittihamlara ironik
yanaşma ortaya qoymaq istəyən Səxavət Soltanlıya isə "çayxana siyasətçisi”
ayaması vurub rəy yazdığına peşman ediblər. Gün ərzində statusun altındakı rəy
bölməsində bu sayaq qarşılıqlı ittihamlar davam etdirilib.
Alpər TURAN